فينك ياقلوب
كانت بالحب...عمرانة
صافية ورايقة
وبالوداد دايما امرانه
منين ماتروح
تلاقيها فى الخير غمرانة
ساعة الصفا
تشوفها بالوفا قمرانة
وساعة الجد
تلاقيها سواعد شمرانة
مالك ياقلوب
باينه باهتة ضمرانه
الحزن كاسيكى 
والعيون بالدمع طمرانة
والسحنة متكدرة
والخدود غامقة سمرانة
والبسمة روحت
والضحكة خايفة هربانة
ردت وقالت
انا من الخلق زعلانة
احتار دليلى
وافكارى فى الراس حيرانة
راحت ايام
كانت بالهنا مليانة
وجات ايام
لاعارفينها ولاهى عرفانة
سبحانه ربنا
ياماقال وقال وورانا
بالقلب على القلب
تصبح العشرة تمرانة
دا الدنيا ساعة
وبعد الساعة فايتانا
ويوم الحساب
تشوف ناس ياما قلقانة
وناس بالحق
ماشيه هاديه فرحانة
عملك جملك
يوديك لجنة ريانة
او يوديك
لداهيه سورا خربانة