زي طيف زي خوف
زي حد السيف
زي لهفه في أخر سنين العمر
زي إعصار وزي ريح وزي جمر
وزي احساس الرحيل
وزي السراب والامل
والنسمه العليله والأمان
وزي رعد وزي برق 
وف ساعات بركان
وزي احساس الحروف
لما تشتاق المعاني
عشت عمري فيك بعاني
والكلام يوصف بخوف
وزي شعري في الامسيات
وبعدها صوت الكفوف
زي بحر وموج وجواهم غريق
زي جمره نار في قلبي او حريق
زي طعن الاهل
او غدر الصديق
وزي صدق الودع
ولو شاب الرضيع
والعليل حب الوجع
والليالي تيجي قبل النهار
والولاده بعد الاحتضار
ولو تشرق شمسي
من الغروب
ولو صبحوا العبيد بيض
والغراب لونه كناري
مستحيل عنك اتوب
قلب حبك لو يعاني
هو غاوي مش اناني
قلب صابر ع الجراح
واللي يصبر ينول
واللي ينزل قتال
ما يخشي السيوف
والكلام يوصف بخوف
حبك انتي يا أميره
 زي طيف