الم البعد اكيد بيجرح
ولقاء الحبيب بالطبع يفرح
ولما القلب يدق لقلب
نلاقى شجر العشق بيطرح
هى معادله لكن محسوبه
فيها الروح للروح مجذوبه
فرحنا باقى والاحزان عندنا مشطوبه
عشقنا راقى والافراح جوانا مكتوبه
ليه الفرح يكون فى ايدينا
ودنيا جميله والايام تضحك حوالينا
وييجى الحزن يبكى عنينا
ونرجع نشتكى م الايام
نبكى نهارنا وليل ماننام
وايام صعبه من الاوهام
ليه الفرح وقته قليل
اما الحزن طريقه طويل
وانت ياعاشق ليك تختار
يافرحه وورده
يابكاء ومنديل
قول لى قرارك ليه محتار
ياضحكه وبسمه يابكاء ودمار
فرحه = جنه جرح = نار