كلمنى عن بكره ياعم 
إنبارح بقى شيئ م الماضى
مش ناقص أنا هم وغم
 الله لا يعودها السنادى
خلينا نبص لقدام 
نفتش عن طاقة نور
بلاش تحكى عن أحلام 
 وتبنى ع الرمل قصور
أول خطوه جريئه وهيه
هتخلينا ننط لفوق 
نلم الفاسدين والحراميه 
 ونحاسبهم كدا بالزوق
اللى سرق سرقه يرجعها 
أو حتى يرجع الباقى
الأموال دى لو نجمعها
 نتخلص م الفقر نهائى
نقف وقفة رجاله بجد
ونواجه كل مشاكلنا 
لو منحطش ليها حد 
 محدش هيجوع ويأكلنا