إضحك يا عم محمود 
فرفش ومتخافشى 
ربك مدام موجود 
هتنام متعشى 
إرمى ورا ضهرك 
دا الفكر هيضرك
ولو فى الدولار سألوك
قول مبفهمشى
واوعاك تشيل الهم 
إديها صرمه ياعم 
دا اليوم اللى بيمشى
بيروح ميرجعشى
وسيبك من الخناقات 
وشتيمه ع القنوات
ولكلكه ع الفاضى 
وكلام مينفعشى 
ملعون زمان الحرب
وكسر النفوس بالضرب 
إدعى ربنا يزيحه 
ويبعد ميرجعشى
أنا قلتلك وخلاص
ونصحتك بإخلاص 
ولو هتسمع كلامى 
تكسب متخسرشى