غضبان فى أيدى القلم
موجوع ونازف ألم ...
تاية مابين كل المعانى
تملى يصرخ وكأنة جانى
مبقاش يرتب فى الحروف
وتملى شايف شبح الخوف
ياهل ترى أية السبب
طقوس غريبة ولا الظروف
رفيق حياتى ....مالك مريض
مالك ياصحبى ...عنى بعيد
كنا زمان نقسم سوى
كل المعانى..................!
وعن الحنين وعن الهوى
نرسم أمانى ...................!
نكتب حكاوى كل السهارى
ونلم بس هموم الناس........
فوق السطور جوه الكراس
نفرح مع عمى حسين ........
ونسمع حكاوى الخال أمين
وع النيل ساعات نسرح سوى
أنا وأنت نرمى السنارة ........
هقولك نصيحة دايما صحيحة
خليك مناضل أكتب وقاتل
داشمس بكره شايلة ذكرى
لوشوش بريئة وقلوب جريحة
أوعى الظروف تكسرك .......
والحبر منك يختفى ..........
مقدرشى لحظة أخسرك ........
وأشوف حروفك تنطفى ..........
خليك تملى ع المعانى حارس
وع الكلام حاسب لتخسر يوم يافارس
وإن جف حبرك قولى .......
وأنا ليك أجيب الدوايا .......
أرويك بدمى لاجل تكتب
كل حرف فى الروايا.........
لاجل تفضل بس شامخ
وكل يوم ليك بداية...؟