إلأمريكان قاعدين فى دارهم ومشيعين ابنهم الدولار اللى بعيد واللى جارهم بيبعتوه يجيب خبرهم ميخليهمش يشوفوا النهار يكبل إيديهم ينكد عليهم والحزن يبان فى عنيهم يرفع البنزين والسولار يخلى الكل يحكوا عنه يقولوا كل اللى فينا منه وإسمه يدوى فى كل دار ولما يخللى الجنيه بسنت يقولوا برافو عليك أحسنت ويعملولوا ميت اعتبار تروح تشترى كيلو بطاطس تلقى التمن مش هوا خالص تسأل يا ناس إيه اللى صار يقولك ياعم اصحى وفوق الدولار طلع لفوق وخد وياه كل الأسعار حتى الجبنه والزتون وأى حاجه فيها نون أثر فى أكل حتى الحمار خرب بيوتنا يا ناس الدولار
