يا ترى عجزت يا قلبي
ولا انت لسه شباب
ومهما راحوا حبايبي
وسابوا بحور عذاب
لساك بتحلم تعوم
ولا الغرق ملكك
لساك عايز تقوم
بس الوجع هلكك
-
تملك ايه غير كلام
على شوية مشاعر
على حبة اوهام
فنان او حتى شاعر
بس نصيبك تكون
راضي غصب عنك
ومهما الناس تخون
تصر ع اللي انك
-
اكيد بكره احلى
اكيد ده كله خير
دنيا مش مستاهلة
وبتقبل التغيير
ممكن تبقى احسن
تلاقي ناسك واهلك
كام مرة كنت تحزن
وتبات والفرح املك
-
كل سنة وانت طيب
عد سنينك وعديها
شوف مين القريب
وإللي تبعد إمحيها
إرسم بكره بخيال
ومهما ضاع حلمك
اجمل مافي الامال
حضن دافي يلمك
-
قطر سنين بيفوت
والعمر دا لحظات
يخرب بيت السكوت
إنسى كل اللي فات
مسير الحلو جاي
والمر مهما يحبك
ماتقولش ليه وإزاي
إفتح للدنيا قلبك