بعشق تراب بلدى 
واموت ف دباديبها 
مهما يقولوا عنها 
حبيبتى ونا حبيبها
مهما يقولوا فقيره 
أو فيها ناس شريره
وللا الفساد فيها
عمال يقلبها
قالوا الجنيه هيعوم 
قلت ياسيدى نصوم
وسيبها لنصيبها
الدنيا يوم عليك 
واليوم التانى ليك
واصبر هتكسبها
نصحتنى أمى وقالت
بلدك مهما كانت
العزه على ترابها
محدش بيعرف قيمتها 
ويحس بعظمتها 
غير لما بيسيبها
بعاد ومعاهم فلوس 
فى بلاد الغجر والسوس 
متعرفش تحسبها 
ومناهم يوم يرجعوا 
لو حتى يتبرعوا 
ويدقوا على بابها
هعيش فيكى يا مصر 
فى عشه واسيب قصر 
فى بلاد غريب عنها