كانت حلوه
بفتكر زمان 
ايام المدرسه
بلدنا كانت حلوه
وكان حلو طعم الغنوه
عدي النهار والمغربيه
رغم مراره الغنوه
ورغم اني عيل صغير
بس كنت
واعي لمعني الغنوه
وافتكر كمان
كنت بتنزل من عيني الدمعه
ويوم خرجونا
بدري من المدرسه
قالوا الحرب قامت 
ياواد ياجمعه
جربت علي الرادبوا
سمعت المذيع
بيقول بيانات عسكريه
كان صوته بديع
واتغيرت الاغنيه
كل العيون 
من الفرحه مدمعه
وناس كتير 
مش مصدقه
عبرنا الهزيمه
يامصر ياعظيمه
الله حلوه الاغنيه
اتمنيت وانا لسه 
في ابتدائي
يكون في ايدي بندقيه
بالليل في السهره
تحلي السهريه
علي صوت مذيع
بيقولوا قال مراسل حربي
لما وعيت
عليه شويه حبيته
وعرفت حمدي اسمه 
وكترت الاغاني 
وبأسم الشهيد بنهتف
وكبرنا ومشيت بينا الحياه
وكترت الفلوس 
وكمان الناس
بس ليه يابلد 
وانا بفتكر بدور 
في علي الولد
اللي سنه عشرسنين
وكان فاهم القضيه
ان فيه عدو 
متربص وفاكر القضيه
قضيته انه يدخلك
ولو دامت المعاهده
مليون سنه
هو فاكر
واحنا نسينا 
وده االي جبنا ورا
اه يا ابن البلد
اعرف عدوك 
معقول ياولد
تفرح في اخوك
هما عرفوا اه يفرقوك
ياابني قول لااخوك
فكر شويه
واقري التاريخ
واعرف انهم 
في بلدك بيكرهوك
بص حواليك
كل بلاد اخواتك
بتتقطع وكمان 
فاكر انهم بيساعدوك
الدور جي جي
والزمن دار دورته
وافهم بقي مافيش 
غيرك واقف في سكته
هتقدر بقي تسكته
وانت مش شايفه نيته
وتجري ورا اشاعه
طالعه من قلب شبكته
يقولوا تواصل
وانا بقول ده تكاسل
فالحين بس في التأكل
حد لسه فاكر
يعني ايه سته اكتوبر
ياخساره مافيش 
حد مذاكر 
العدو خدنا 
في حضنه 
ننا نام 
في حضن اللئام
وفلوسك كمان 
خدها بيها يتاجر
لو جيت تطالبه 
طلع ليك قانون 
يستحلها
اما صحيح
ابن يهودي ماكر
سؤال حد بقي
لسه فاكر
لعبه الحرب ذكيه 
ننا نام 
الحرب عليك قويه
العب لعبه غيرها
اجري ورا البيكمون
لما امه يبقي 
حلم شبابها
يدخل مسابقه 
يغني فيها
ولا ايه كمان المصيبه
ناس تسقف وناس تصوتله
ننا نام 
مافيش كلام 
شباب تمام
بنطلونه نازل
عيب ياابني دي باينه 
قال نحارب 
قام مسافر
راح يقتل في الاقرايب
وساب التعالب ويا العقارب
تقوله ليه 
قل دا 
سهل حرب الارانب
تقوله مش هما دول
يحلف ميت يمين
ان طريقه للقدس 
كده اسهل حبتين
والعدو الاكاده فاجر
من كل حته بيخنق فيك
من جوه
عمنا الفساد بيساعده
ولو خبر
مالوش لازمه
يكبر في ثواني ويبقي ازمه
وعندنا شويه نخبه
من الفلوس عندهم تخمه
كلام كلام كلام 
اعلام اعلام اعلام
معظمه عايز اعدام
ومعرفش المهبب الاخضر
بقي بكام
شعب مش 
عايز يشقي ويشتغل
بس العدو لسه صاحي
واحنا نيام نيام 
نقول كمان 
حد فاكر العدو
ولا كله ننا نام