جارى التحميل
استخدم زر ESC أو رجوع للعودة
ياعم يامحترم الدنيا مش محسوبه كده
تعيش لنفسك وتربى بين الناس العدا
الدنيا تاخد من ده امبارح والنهاده تدى لدا
النهاردة انت معاك والحالة معاك ندا
العالم ربنا تكون الحالة معاك ايه غدا
اتصرف كانك عايش فى الدنيا طول المدا
لا تحوش ولا تكوش من غير نظام على ده وده
الناس بالناس تمشى المسائل
ومن غير الناس تقابلك مشاكل
لوحدك لاتقدر تعيش ولاتتعامل
والصعبة عليك بالناس تتساهل
داانت لو عشت لنفسك بس ماتستاهل
شوية تراب لاتنشرب ولاتتاكل
اذا كنت زارع وطلعتلك سنابل
من غىر معين ماتقدر منها تاكل
لازمك ايادى تعين وتتعامل
حصاد يحصد وطحان وابو مناخل
وبعدها عجان وفران وابو مشايل
لاجل يوصللك رغيف الكل منه ياكل
الناس بالناس وصاحب العقل مياز
وكل واحد فى صنعته قالوا استاذ
دا نجار وده حداد وده خباز
وده خوجه وده وزير ممتاز
وده كبير الناحية يحل مشاكل الغاز
الناس فى الدنيا درجات والكل فيها منعاذ
ياعم اوعك تفتكر انك فى كل الحالات جهبز
عارف كل الامور وعلى الكل متميز
فى العلم لك حدود وبلاش على الناس تقفز
على حدود غيرك لاحسن فى يوم تعجز
