الدنيا حلوة
والعيشة فيها مش شئ عويص
انزل من برجك العالى
وخالط الناس بالقول النصيح
وصاحبك لو قصر مرة
سامحه وماتبعهوش رخيص
دا الغلط ممكن يحصل
قالولنا من شدة التحريص
وجارك اللى جنب دارك
خليه ديما بيك متونس
اسال عليه بالنهار
واطمن عليه لما الليل يعسعس
دا هو اقرب من اخوك
يسندك ولو كان مفلس
واهتك يسمعها قبل قريبك
ولعمل الواجب عمره مايكسكس
وزميلك اللى فى شغلك اعمله لك خليل
يشيل معاك لما يكون الحمل عليك تقيل
فى الفرح تلاقيه وفى الكره عمره مايميل
يمسح دمعتك ويشاركك بلوتك
ورب اخ لك لم تلده ام خليل
العجب شين ولو كان فى الصدقات
والتواضع زين يخلى الضراير اخوات
الخير من غير العجب مرفوع للسموات
وبين الناس مذكور حتى بعد الممات
انفق باليمين مالاتدريه الشمال
تاخد الاجر كامل وقده عشر مرات
والكبر افة متعافة الى الابد
فيها حكت كتب ربنا ماحبها احد
تحجب عن الجنة وتدخل سعير ابد
ولو كان كبرك مثقال ذرة 
تنكره من الناس ومن الواحد الاحد
وتعيش منبوذ حتى من الاهل والولد
اعمل المعروف والمنكر زيحه من سكتك
لو لك عين ولسان وايد عنه ايه سكتك
الساكت عن الحق شيطان ساكن جتتك
يدفعك للمنكر ويضحك بعد زلتك
وهلاكه فى ايدك ربنا كده علمك
فلاحك فى رضى الرب وهلاكك بيدك
حسنة قليله تزيح بلاوى تفرتكك
شايف الدنيا تبقى حلوة ازاى
طبطب على الصغير وحن على العجوز
وحلى نفسك بالتواضع دا الكبر مايجوز
اعذر صاحبك عند الفلط حتما هتفوز
واعمل الخير تلاقى فى اخرتك كنوز
واضمر لغيرك خير الخير بيك يلوذ
واقتل الغل لو مرة قربلك تعيش محظوظ
شايف الدنيا تبقى حلوة ازاى. يللا نبتدى احنا الجوز