في زمن الحب المتعذر 
والمتجزر ،
ف قلوب بتموت لو يوم حبت
من غير متخاوي شيطان الخوف
وفؤاد مشتاق 
وبيصرخ ميت مليون صرخة
ولا هاين بيه يرحم نفسه
أو يصحى فيسكر ف الغفلة
أنا قلبي ملوش قضبان مانع
ولا عمره يفكر أيه ها يكون
أنا قلبي حصون وقلاع ومحيط
أنا أعظم شاعر بالأنثى
والأنثى ف زمنى ماتت م الخوف
خليكى بعيد منتيش قدي
انتى لا الواقع قادرة عليه
ولا حتى الحلم اللى خياله
لو جه ف منام ها تلمى عليه كل الحته
وف اقرب قسم بوليس ترميه
وتقولى يا لهوى دا كان عاشق 
وفاكرني عشان جه حلم ها لين.
يا نهار حطين ملهوش فارس
ولا حتى صلاح ولا مسجد أقصى 
ولا قبله ،
الأنثى خلاص هجرت زمنى 
واللى موجودة دى تمثالها
منحوته من معدن قسوة 
واتعزم بيها على جهنم 
ف الدرك الأسفل م الأسفل 
علشان تتفنن ف التعذيب
وتشوفها تقول ياه ع الرقة
والقلب الساكن ف ضلوعها 
عمال بيفكر كيف يأذيك
في زمن الحب المتعذر
والمتجزر