يا قلب أمك وعقل أبوك
يا عين صابت من اللي شافوك
شهيد الأرض والواجب
شهادة م العدىٰ نصفوك
يا قلب امك عريس زفوك
يا قلب أمك وعقل أبوك
يا حامي الأرض وحدودك
يا فارس والجميع يهابوك
ياحافظ عزة لجدودك
رويت الرمل من دمك
وخدمة ف ليل و كان همك
تصون الأرض وعهودك
واجهت الغدر وبصدرك
ويوم الحشر ف الاخرة
هتسعد يابني بالجايزة
وجنة خلد تدخلها
وفاء ربك في آياته
وحور العين بتستنى
يا قلب امك عريس زفوك
يا قلب أمك وعقل أبوك
وأمك واقفة بتنادي
لكل الشعب والوادي
في مشهد صعب مش عادي
يافايت روحي سايبها
تموت يابني فدا بلادي
وصوتها للجميع مسموع
ياقلب القلب ياولدي
زمايلك ف البلد عزوك