بيعت كل اللي اشتروني علشانك
واتحملت لوم اللايمين في غرامك
وماهمني غيرك ياللي قلبي شاريك
حبيتك ياعمري وروحي دايبه فيك
ياساكن جوه قلبي وحبك بيجري في دمي بعمري افديك
ازاي بعد الحب ده كله بتسألني مين هويت
هويتك وعشقتك بروحي وف الجنون الحب ابتديت
وده كله حبيبي بتصوره لسه شويه عليك
امنتك علي روحي واياك وجروحي
او تغدر بيا وتحرمني منك وتعذب روحي
وحبي ليك يكون سبب عذابي ونوحي
اوعي يوم تظلمني وتعذبني معاك
وتحيرني بين عزة نفسي وبين هواك
حبيبي وروحي قد مابحبك حبني
واوعي تبعد عني وخلي الود والوداد يقربك مني
ده انا استنيتك سنين وصبرت عليك كتير
وياما لاموني اللايمين من كتر عذاب التفكير
وكان الأمل مطمني هتجيني بالحب والحنان
ما انا ياما رسمتك فارس لأحلامي واتمنيتك من زمان
وعاهدتك علي الحب والوفا من قبل مااشوفك وكنت اخبي
لما رسمتك في خيالي وسكنتك جوه قلبي
وبيعت كل اللي اشتروني وكل يوم أدعي لربي
مايشمت فيا عُزال وحبي مايكون اوهام وخيال
وفضلت افكر فيك واسهر الليل مشغول البال
وكنت حاسه بروحك ويا روحي والقلب ليك ميال
واقول بكره يجيني اللي انكتبلي حبيب
وارتضيت بعذابي وانتظاري واحلم بلقاك يبقي قريب
وبعد ده كله ياغالي بتسألني مين هويت
ده انا عمري الحقيقي ابتدا وياك لما جيت
يخليك ليا وتملا عليا الدنيا ياضي عنيا
وتفضل شموع الحب منوره بيتنا ومايشمت العزال فيك وفيا