وليه سيبتنا فى نحيب
ونحزن عليك بدرى
وانت لقلوبنا قريب
ياحبيبنا يايسرى
ولاعمر يوم هاتغيب
عن بالنا ولا ثانيه
وانت اللى حببتنا
ياكبيرنا فى الدنيا
وانت اللى علمتنا
إن الحياه فانيه
وخليتنا بك اقويا
وأرواحنا متفانيه
ومن غير ولا أدويه
ولا حاجات تانيه
وعاشقين ومحبوبين
وأحلامنا مش عاميه
وفى الشعر موهوبين
وفى الآداب ساميه
وناس بنى آدمين
ولبلادنا دى بانيه
ولاعمرنا بنخيب
ياحبيبنا يايسرى
وليه سيبتنا فى نحيب
ونحزن عليك بدرى .
