آه يازمان كل الفرسان 
رحت بعيد كدا وغبت
نستني كل ال انقالي زمان 
العقل مني هج وشط
شوفت بقا ال جرى يازمان 
ف عصر السرعة وعصر النت
أجيال بتيجي ورا أجيال 
كل جيل بيقول انا فت
وزاعم إنه الوحيد المثال 
وغيره قديم خالي الفكر
لا جيل راضي يسمع لثوان 
ولا عنده استعداد يسمعلك قط
كنت زمان وانا شاب حصان 
بسمع لعجوز تناه الدهر
يمكن أخرج بنصيحة تنقال 
أمشي عليها طول العمر
آه يازمان كل الفرسان 
جالي أحباط من الواد والبنت
تنصح فيهم مسا وصباح 
يردوا بسرعة ند لند
حتى النقاش معاهم عدمان 
وريحته كريهة تسد النفس
عصر النت شاطنا شمال 
وشوطة قوية زايدة الحد
رغم إن بيقولوا له حسنات 
فكك أسر من كتر اللت
وخله الشاب دماغة شمال 
وقلبة جريئ كمان ف الرد
ارجع ليه يازمن الفرسان 
كفاية غياب بجد زهقت
وخدني ف حضنك زي زمان 
عصر السرعة جابني الأرض