انتي فين من دنيتي
ياللي ف عنيكي الحكاية
نوري لي سكتي
إطلعي لي من المراية
شقي جدران الحياه
إلحقيني قبل ماْغرق
إرمي اْطواق النجاه
رجعيني تاني اْعشق
-
قلبي لسه جواه كتير
محبة وشوق وحنية
لسه فيا الخير
والطيبة ف عنية
لكن محتاج لحضنك
يا اْغلى من روحي
نفسي اْقول باْحبك
وتيجي ما تروحي
-
يا رحمة مش لاقيها
وخيالي بيتمناها
يا جنة حلمت بيها
وعيوني رسماها
بلاها حيرة وكسوف
وتعالي نتجمع
نقطع خيوط الخوف
ونبطل نتوجع
-
تعالي قويني
خليني اْد الكون
انا لو تحبيني
وتخرجي المكنون
هيبقى كفايا عندي
حبك وإحساسك
هيبقى ليكي عهدي
اْعيش باْنفاسك
-
عنيكي الحكاية كلها
وباْكره غربتي فيها
يا كل حاجة بحبها
اْحلى حاجة حلمت بيها
لو كنتي إنسية
تعالي بلاش تفكري
لو كنتي جنية
اْبوس إيديكي إظهري