بشويش عليا شويه وبلآش تتعبني 
وريح قلبي ليه تبعد عني وتحرمني 
ويتعبني حبك وغرامك يغلِّبّْني 
ويسرقني خيالك ويسهرني عشانك
ولياليك توحشني واحتاج لحنانك
مش قادر أخبي أشوآقي و نآري
وحبك خدني ولدنيا تانيه ودآني
خلآني مشغول بيك وليل ونهار بفكر فيك 
..............................................
وحيآتك يآعمري ماتتقل عليا 
وإسأل عني ماتبكي عنيآ
واعمل ايه يآحبيبي فأيآمي وذكريآتي 
غيرها حبك لشكل تاني واحلوت حيآتي
عآيز تسيبني وتزود نآري وتنسآني 
وافضل حيرآن أفكر واتعذب طول الليآلي
وبين قسوة قلبك عليا والشوق والحنيه
أسهر باكي علي ليالي مخصمآني 
وقلبك يناديني وقسوتك معذبآني
وأيامي في بعدك ظلماني ومعندآني
وحبك اللي كان ليا أحلآم وأمآني 
وعيشته سنين ف منامي يصبرني علي أيامي
...........................................
ومن كتر خوفي عليك صابر ومتحمل مهما عانيت
ومهما كانت الدنيا قاسيه عليا 
هتحمل عشان نظره من عنيك تسعد عنيا
يمكن هوايا بيها يفرحني بعد صبري
وأيامنا الحلوه ترجع تعوضني
ويرجع الحب يجري ف دمنا
ومهما قالوا اللآيمين عننا مآ راح يهمنا 
ولآ هيقدروا تاني يبعدونا عن بعضنا 
ولآ هيعكروا يآحبيبي صفونا
بس إنت تعالي وكفايه اللي راح مننا
وكفآيه ليآلي خاصمتنا وعذبتنا
وظلمت غرامنا وسرقت منا فرحتنا
ليه نخلي البعد والخصام يسرق حلمنا
ونتوه عن السعاده ويضيع مننا عمرنا
........................................... 
يآحبيبي تعالي نغرق سوي في بحر الهوى 
وبلآش نعيش تايهين عن الشوق والحنين
ونبدل أشواقنا بأهآت وأنين
ونبقي مش عارفين علي فين رايحين
ونعيش حياره ف دنيا وخدانه ومتوهانه
وتعاند معانا واحنا حبيبين فالهوي دآيبين 
ونندم علي الحب اللي راح والأيام مفرقانه
ونبكي علي ليالي الأفراح
وندور ع السعاده نلقاها جرآح
وضحكة عنينا تتوه وتغيب ويا الفراق
بعد ماكانت قلوبنا مليانه أشواق 
ونعاني الليل والمرار والويل
وبين الشوق وعذابه وقلبي فاتح بابه
دموعنا نار علي خدودنا مابتفارقنا
والقلب عليل بعد ماراحت حنيتنا 
ياويل فراق الأحباب ايام الغياب
وآاه لما الصبر يشكي من طول الساعات
والخطوه بين الحبايب تبقي مسافات
ويحتار الصبر بين اهل الغرام والعناد 
صعبان عليه رآحوا فين أهل الوداد 
وليه الفرحه تواعدنا ونلقاها دمعه مستخبيه
والضحكه نلقاها ع الشفايف مستنيه
والفرحه فقلوبنا مشتاقه لشوية حنيه