حبيبي في غيابك شوق وحنين وعذآب
وطيفك دايماً شاغلني يا أعز الأحبآب
حبيبي ليه القسوه وليه الهجر وليه الخصآم 
ومن غير أسبآب ليه تخلي عيني تسهر ماتنآم
والأيام بتمر عليا سنين ومعذبآني ليالي بُعدك
وكل خطوه من خطاوينا بتفكرني بلُقاك وسآعات قُربك
وكل ليله روحي بتروحلك وتبعتلك سلآم وبياَّ تفكرك
بشوقي ولهفتي ودموعي يوم ما گانت غصب عنها بتودعك
واشتاقلك واتمناك تجيني حبيبي تكلمني واكلمك
من غيري حبيبي يحس بيك ويغير عليك
ومين حبيبي يفهمك لما يبص يآدوب في عينيك 
وكل ليله يفضل سهرآن ويآ خيال طيفك مستنيك
دانا مهما حيرني طبعك وعذبني حبك 
مااقدرش أحب غيرك ولا أقدر أتحمل بُعدك
والآقي قلبي يعذبني ويقوللي مش ده اللي حبيته واتمنيته
ده حد تاني حد قلبه قاسي غير اللي شوفته وهويته
فين رآح حبيبي اللي زمآن حبيته وفين رقة قلبك وحنيتك
وفين حلاوة كلامك معايا وليه دي الوقتي سايبلي قسوتك
وازاي أهون عليك أبكي ليل ونهار ومش شايف في عينيك دمعتك
حبيته ليه يآ قلبي زمآن واتعلقت وفرحتني بيه 
ياما حذرتك من قسوته وانشغالك وسؤالك علي طول عليه
لسه يآحبيبي الفرصه قدامك بكلمة منك ترجع فيآ كُل اللي گان
وتنسيني ظُلمك وظُلم ايامي وعذاب الليالي والحرمآن
واللي عدي ورآح من أيام بُعد وهجر وخصآم 
هاحسبها گابوس وراح لحاله من زمآن
ولما تصالحني واعيش وياك هانسي كل الجرآح والألآم
وافتكر بس حبك وليالي قربك وقلبك لما گآن مليان حنآن
نصيب وقدر مكتوب يآقلبي گان فين العذاب ده كله 
مستخبيلي اشوفه علي إيد حبيبي لما أهوآه وأحبه من غير ماأقوله
دا انا قبل منه كنت عايش في حالي بعيد عن الحب وعذاب بعده وقربه
بس طول عمري كنت باتمني احب وقلبي تملآه الأفرآح 
واتهني ويآ حبيب يحس بيآ واعيش حيآتي من غير جرآح
ولما حبيت شوفت دنيا الحب دنيا جديده لسه مافهمتهاش
دنيا فيها لوعه وعذاب وسهد وسهر ودموع وحاجات ماشوفتهاش
ولما هويت لقيت حالي اتغير من حال لحال 
واللي كنت باحلم بيه اتمنيته حقيقه ويآ حبيب وما يكونش خيال