هجرت الكل علشانك حبيبي
وسهرت الليل ويآ طيفك وخيالك
لا انا عارف إمته هيجي يوم وتجيني 
واقابلك وتبقي حياتي هي حياتك
ولاَّ هفضل العمر كله مشغول عليك
باتمني نظره حلوه من عنيك
وزماني يآحبيبي معاندني
ولدنيا الخيال واخدني 
وانا صابر ومتحمل ومستنيك
وياما سهرت ليالي دآيب في هواك
والأمل مصبرني هيجي يوم والقاك
وفيت لحبك حبيبي ووفالي طيفك 
وسنين طويله بحلم بيك مش بغيرك
وأقول إمته يرتاح بالي
وتجيني حبيبي تغيرلي حالي
وابات واصحي وروحي عايشه معاك 
عشقاك وبتتمناك وبتحلم برضاك
وقلبي متحمل بعدك وعذابك وضناك 
ونعيم قربك مصبرني علي أساك
ومهما طالت حبيبي الليالي عليا 
والنوم مجافيني ومخاصم عينيا..
بحلم تجيني وإيدك تلمس ايديا
والآقي نفسي عايش ويآك فدنيا تانيه
ومهما عانيت وشكيت وبكيت 
لما تيجي هتلاقيني حبيبي نسيت
وعمري مايوم زعلت منك 
ولا فكرت ياحبيبي أنسي حبك
طول ماطيفك مونسني
وعلي بعدك مصبرني
وفي يوم من الأيام ضحكت أيامي
ورضي عليا زماني واتحققت أحلآمي
ولقيت عيني في حضن عنيك 
وروحي وروحك طايرين فالسما
والكل حوالينا فرحان بيا وبيك
عيني بتبكي وتشكي بعتاب 
ليه ياحبيبي معذبني ومطول الغياب
ولما شوفت لهفة عنيك ليا مشتاقه
جريت عليك ودقات قلبي منهاره
ودموع عنيك بتلومني 
وعن خوفي بتسألني
افضل احبك وتكون بغيري مشغول 
وروحي تحب روحك 
وقلبي ساكن قلبك 
وعقلي تايه معاك علي طول
ولما آن يآحبيبي الأوان
ورضي عليا الزمان
حنيت عليا وجيت فرحتني
وجيبت الأمل وياك يحييني
ولقاك اللي ماكان علي خاطري 
حلّْآلي ايامي وفرحني وهناني
ومن حنانك يآحبيبي سقاني
وعوضني قربك وحبك صبرني