عيني عليا واعمل ايه فيك يآ قلبي
عيني شايفاك يآ حبيبي ليل ونهار
ومش قادره حتي فرحتها تخبي 
خلت عزالي عايشين في عذاب ونار
وصورتك حبيبي ما بتفارق خيالي 
وازاي تبقي قصادي وأحلم أنا بيك
لو رِمِشت عيني عنك يادوب ثواني
الآقي روحي سايباني ودايبه فيك
وروحي ويا روحك رايحه جايه
بين النجوم والقمر فالسما م الفرحه تايهه
ولما تتكلم بتبعت لقلبي كل همس كلامك 
واحس بمشاعري سابقه قلبي وريحالك
والقلب اللي كان عليل من غيرك
صبح مليان حب وإحساسه شباب وياك
وافضل سامع نبض قلبي بينادي عليك
بيقولك حبيبي بحبك وبدوب في هواك
وعايش عمري كله يآحبيبي ليك
وانسي نفسي يآعمري ومقدرش أنساك
حتي يآحبيبي وانت بعيد ومش قريب
الآقي قلبي فاتحلك كل ابوابه ويترجاك 
تسكن جوه حضني تسعدني وبلاش تغيب
ياواحشني ومقدرش اعيش من غيرك
تعالي طفي نار شوقي وريح حبيبك
ومهما كواني في القرب يآ عمري حبك
ارحم عندي من نار عذاب هجرك. وبُعدك
حبيبي قلبي معاك حاسس بالأمان 
وشايف الدنيا جنه في قربك 
اوعي يآحبيبي يوم تخاصمني واخاصمك
وتعذبني انا وقلبي يوم في هواك
ولو فيه خصام صالحني واصالحك
وسامحني هتلآقيني باجري عليك واسامحك
وانسي جرحك حتي لو كان مهما گان
مقدرش اعيش واتحمل لحظه بعيد عنك
ولا يجيني نوم وانت يآروحي مني زعلان
كفايه عليا حبيبي تحبني واحبك
وافضل العمر كله متهني بقربك
ويفضل حبك هو الضي اللي بتشوف بيه عينيا
ماهو إنت الدنيا يآحبيبي ومن غيرك ماتبقي دنيا
ولآ ليها أي معني من غير وجودك وحبك
انت يآحبيبي دنيتي ونعيمها وهناها 
وبتبقي بيك دنيا حلوه الله عليها يامحلاها
دنيا جنه ومفروشه بالورد والحنه 
وناسها جميله وكلها احباب احباب
ولو يوم غيبت يآعمري وروحي عنها
عيني تشوف الحبايب فيها كلها اغراب