مين يآ حبيبي نسآك حبي وغيرك..
ومين غيري شغل بالك وسهرك
وسرق قلبك وتوه عقلك وحيرك
تروح يومين وتغيب عني سنه
مش عوايدك تعذبني وانت حبيبي انا 
وتهرب مني وتحرم قلبي من الهنا
طب ليه تخليني احبك واتعلق بيك
وتشغل بالي وتحيرني وتشغلني عليك
قوللي يآ حبيبي إيه هي الحكايه
ومين ظلمني وسرق مني هنايا
مين قساك يآغالي ومين نساك حبي 
وليه تخلي قلبي يشكي وعيني تبكي
علي ايام عمري اللي راحت مني معاك
مين خدك مني وانا اللي طول عمري شارياك
استنيتك العمر كله وكان مصبرني هواك
مين خلاك تبيع أيامي وتضيع احلآمي
بعد ماعاهدت قلبي اخلصت ليك وبقيت آمالي
نسيت وعودك وخونت حبي وايامي
وسرقت مني احاسيسي واعمل ايه
ونسيت ذكرياتي وروحت مني ليه
ياما عذبني هواك واصبر واترجاك ترحم قلبي
ولما كانوا يلوموني كنت اكابر واخبي
ياللي قلبك في يوم وليله بقي قلب تاني 
ليه تغدر وانا اللي اديتك كل حناني
كنت عندي أغلي من الدنيا واللي فيها
والنهارده قسيت عليا وأيامي ناسيها
وحكايتي معاك لكل الأحبه كنت حاكيها
واعمل ايه بحياتي بَعّْدك واعيش لمين 
وانت ياعمري نسيت حب وغرآم السنين
من النهارده لانا هاسهر ولا هنام
وهفضل ابكي واندم علي حب كان 
كان مهنيني ومحليلي الزمان
وبعد الحب اللي حبيته مليان حنان
هنسي الدنيا خلاص مفيهاش امان
والنفوس بقت ناسيه معني الوفا 
كدابه يادنيا وناسك قلوبها مليانه جفا
واللي بيني وبينك خلاص هنساه
واللي ضاع من عمري ضاع ومش هتمناه
يمكن لما أفكر في جرحك انسي هواك
والنسيان لقلبي المخدوع هيكون دوآه