ياللي إحساسي معاك طول عمره أكبر من هواك
وغرآمي أكبر من غرامك وتاعب قلبي معاك
مين غَيّْرك حبيبي ومين القاسي اللي قساك.عليا
ومين سرق مني أيآمي واحلآمي اللي جايه
تنام الليل واسهر افكر في طيفك وخيالك
وقلبي يتألم وعيني تبكي وانت ولا علي بالك
خليت الفكر بيك مشغول وحيرآن 
وقلبي لهواك ليل ونهار عطشان
خليتني اسهر الليل أعد النجوم نجمه نجمه 
وابكي علي أيامي ويصعب عليا حالي
علي حب كان نعيم في حياتي ونعمه
وكنت مجنونه بيك وحبك كل أمالي
وأصبر واتحمل انا وقلبي واداري
واخبي دمعي علي حسادك وعزالي
ودي الوقتي ليه جاي تلومني ياغالي
وانت سنين وسنين تاعبني وياك
وهان عليك صبري وجرحي وجفاك
واعمل ايه في قلبي اللي عايز يتغير من عمايلك
وبعد ماكان مليان حنان يتعلم القسيه منك
فاكر لما كان شوقي بيقربني منك 
وانت يآقاسي بتبعد عني ولا هامك
كنت تهجرني وتعاندني وتغيب 
وتجرحني واقول لقلبي حبيب
واشتاق لحبك واتمني تجيني ترويني
وتكون في حضني حبيبي وقريب
كنت افرح لما اشوف الشوق في عنيك 
وانت تتقل عليا ومش باين عليك
وافضل اعاني مشتاقه ومحتاجه ليك
ولما گان يادوب قلبي بيقسي عليك
أصبره وأقوله بكره يآقلبي يحس بيا وبيك
واعمل ايه في مشاعري لما تبقي جوايا نآر
واحلم بحنان حضنك مدفيني في عز النهار
ويتهيألي إنك معايا وانا بين ايديك 
والقيٰ دموعي تنهار وعقلي يحتار
راحت فين حنيتك وفين الحب اللي گان 
دانا كنت ياقاسي وانا بين ايديك بخاف عليك
وطيبة قلبك مخلياني غرقانه في بحر من الحنان
ليه ياقاسي نسيت غرامك لما گان زمان
بين غرام الأحبه كان احلي غرام
وليه تخليني علي حبي وأيامي ندمانه 
واحس اني كنت عايشه معاك غلطانه وفاكره حياتي معاك كانت جنه اتاريها اوهام
وارجع تاني اصبر واقول لقلبي هون عليا
لو راح مني حبيبي هعيش لمين وهو الضي لعنيا
ومهما كان قاسي في حبه وقلبه مبقاش ليا
ارحم من انه يحرمني منه أيام عمري اللي باقيه
يمكن گانت نزوه في حياته وشغلتله باله 
وغيرتله يآ قلبي كل احواله
وصبري عليه يمكن يخليه يحس بيا ويراجع نفسه ليه اتغيرت كل أفعاله
ويمكن تحن عليا الأيام وتفكره يأيامه
ويرجع حبيبي تاني واتهني بغرامه 
ونعرف منه كان إيه اللي جراله
واعمل ايه يآقلبي خان حبي وكنت شايفاه ملآك
واديته عمري كله الله يسامحه خلاَّ حيآتي هلآك