توهت مني يال أنت مني
توهت بجد مش لقيك ...
أراضك واسعة وأطرفها زحمة
توهت فيها زي الغريق ....
ساعات أكابر وأقول مكمل
وأنسى ال كان من حبي فيك ..
بس أنت انت زي مانت
طريقك أضيق من المضيق ...
توهت مني يال أنت مني
وروحي لسة بتناديك ...
أنت ايه رد قولي
دا العقل مني ضل الطريق ....
فين وعودك وفين كلامك
لما كنت بتجيني شيك ....
وشاددلي طولك وماسك قوامك
وعامل لي فيها عرف ديك ....
ليه النهاردة عملت تايه
وماشي عكسي وأنا ال ليك .....
فعلا صحيح الحق عندي
انا ال كنت بسهر عليك .....
عملت حضني فرش متاعك
ياللأسف ماطمرش فيك ...
ليه يادنيا عشقة هواني
كل يوم جاية بعشيق ....
لاشوفت فيك يوم ميلادي
ولا شوفت يوم يبل ريق .......