خد برشامه وشرب الكاس
غاب عن وعيه فقد احساس
قال مش شايف مين قدامه
ضيع منا اعز الناس
لاء ويقولك بعد ما فاق
انا ايه اللي حصل انا مني
دمرت وخلصت بفراق
متقولش دا كان غصبا عني
طب قولي ازاي اقدر اصدق
وازاي انا راح ارجع ابدء
فهمني وعرفني حقيقتك
او قولي ايه هو المبدء
تقتلني وتقول انا اسف
هعمل ايه انا بس بأسفك
عذبت قلوبنا ومش خايف
ايوا عذبنا دا كله بسببك
ليه علشان نفسك ومزاجك
تهد حياتنا .. وتقتل احبابك
امشي وروح منك لله
ضلمت ايامنا بغبائك
واوعي تقولي انك ندمان
وقت الندم اهو عدا وفات
منت حقيقتك مش انسان
اصل الإنسان عندك مات
انا مش لاقي كلام اقولهولك 
كل كلامي انتهي بسكات