ياما ناس كتير 
بتجوع
للفقر الشديد 
وقصر اليد ..
وهناك ياما فحول 
شبعانه 
وواخده الليل 
سهر عن عمد ..
دنيا غريبة .. من سعير 
بتدي ال خاوي القلب ..
وال له عيون ودماغ
ولسان طويل حد ...
ياسلام على الفقير 
ال بيصارع الفقر
مدى العمر ..
والأرض فيها العديد 
من ال عنده 
ومانع أيد العون ....
بجد دي حاجه تغيظ
وتخلي العقل فينا يتشل ..
الرحمة ياأصحاب 
الكتير
دا المال نقمة 
وأختبار للكل .....
ياسادة حق الفقير
دا دين معلق 
بين السما والأرض ..
أنا ورب الكون القدير 
مسدودة نفسي 
من كتر الغم والهم ...
ديما بناجي العليم 
يوسع لي رزقي 
لأجل حبايبي 
الغلابة صفوه القوم ..
يادنيا كفاك جري فظيع
وأتلمي 
أيامك 
بقت كدا صعب ......
خلي الفقير 
المعدوم يلتقط 
أنفاسة 
ولا يمد ايدة لحد ...
كنت فاكر ايامك 
نعيم 
والعيشة ها تبقا 
هنية ورغد .......
طلع فكري عقيم 
وخيالي أوسع 
من الأرض ....
آه ياعيني ياللي
بتبكي بالدموع 
على فقير مريض
عنده هم مايتلم ....
عيب عليك يادنيا 
السعير 
خدي بأيد المحتاج
وحنني الخاوي 
جامد القلب ......
قبل ما تقرب 
ساعاته أكيد 
ويخرج منك 
عريان
بدون مال ولا أهل ....
لازم يعرف الغني 
الضعيف 
إن الأيام أسرع 
من البرق .....
سبحانه هو الحي القيوم 
له الدوام والملك ...
ياترى ها نعقل 
ياهووو
وناخد بأيد 
الفقير والمريض الكهل ..
زكاة المال والزروع 
أمر نازل 
من السما وفرض ..
الجنة ياسادة 
عايزة الرحيم 
ال عنده أحساس
وخوف من الذنب