ثم أمك .. ثم أمك 
قبل ابوك وقبل عمك 
ياللى ناسى حضن ضمك 
إجرى حالا بوس إيد امك
ثم أمك .. ثم أمك 
روح وخش فحضنها 
وبوس فراسها وخدها
حط الخدود على صدرها
سعدك لو ترضى عنك امك
ثم أمك .. ثم أمك 
هكذا ربك جعلها 
إحذر وحاذر من زعلها 
وفننى عينك يللا شيلها
لمسة كفوفها عليك ترمك
ثم أمك .. ثم أمك 
دى اللى شالت واللى حطت
دى اللى علشان تعلا وطت
وسط الألم تلقاها ضحكت
وشالت عنك كل همك
ثم أمك .. ثم أمك 
قوم بسرعه وروح إليها
إوعى تتبغدد عليها
دى الجنه تحت رجليها 
منغيرها نار يكون فعلمك
ثم أمك .. ثم أمك 
لو فاتوها الناس وناسها 
إتأسف وبوس فراسها 
هاتلها فستان مقاسها 
وانكسف حبه على دمك 
ثم أمك .. ثم أمك