بسأل نفسى ١٠٠ سؤال ومش لاقى جواب واحد٠
ليه توهنا من بعضينا مع أن اصلنا واحد ٠
ليه ضاعت مننا الفرحة ليه قلوبنا بقت جارحة٠
ليه اولادنا مننا ضاعت وعقولهم كدة بقت سارحة ٠
ليه ضاعت مننا الهيبه ومفضلش لينا غير الخيبه٠
حتى شبابنا هرب منا ومعادش لينا غير الشيبه ٠
وراح اعز ما لينا وراح حتى أللى شارينا ٠
وسيبنا كل شئ غالى وخدنا اللى باعوا فينا ٠
يكون فينا اية اتغير حتى كيبرنا بقى صغير ٠
واللى كانوا زمان اقزام حالهم ليه كدة اتغير ٠
حتى أللى كانوا معانا بوش دلوقتى بمليون وش٠
ناس بتيجى وناس بتروح وكله بقى غش فى غش ٠
ليه بننسى عشرتنا وسنين جميلة جمعتنا ٠
تعالوا نرجع فرحتنا والصحبه أللى وحشتنا ٠
تعالوا نولع الشموع تعالوا نمسح بايدينا الدموع٠
وكفايه علينا بقى فرقه ولا الفرح بقى ممنوع ٠
سيبوا الدنيا أللى خدعتنا وفى وسط الزحمه نستني٠
اهالينا أللى ربونا على الاخلاق على الدين على السني
تعالوا نعلم الاحفاد ازاى نصنع الامجاد ٠
لما الكل يحب الكل هنلاقى الخير زاد ٠
تعالوا نوحد الاعلام ونخليهم علم واحد ٠
ليه الفرقه فى الأوطان واحنا اصلنا واحد٠
سبنى أرضنا غزة فراحت مننا العزة ٠
وسبنى القدس راح منه وازاى بنطلب الجنه ٠
وكل واحد راح فى طريق وتوهنا وتاهت الوحده ٠
قاعدين بنتمنى يعود لينا من تانى صلاح الدين ٠
ونسيين أن بايدينا نقدر نخلى الحديد يلين ٠
ساعتها نوحد الاعلام ونقول مين زينا مين ٠