هو الإله واحنا العبيد
خلق الخطيئة في النفوس
وفتح البيبان لرحمته
خلق الناروالجليد
خلق الحساب
وخلق معاه العقاب
وعشان تدوق محبته
لازم تدوق رحمته
بين سجده شكرعلي نعمته
وركعه توبه علي سكته
أصل الاله
واحنا عبيد
هو من معصوم من الغلط
مين معصوم من الخطيئة
من هيعدي من الحساب
أصل لو مفيش غلط
يبقي ايه فايدة حساب
وزي ماقال الكتاب
مسموح لك ياابن تغلط
بس في الآخر تتوب
وكل حاجه ليك متسطره
وهو علام الغيوب
احن من آلام علي الولد
غافركل الذنوب
أصل لو مفيش حياه 
مكنش موت
ولو الطير الاخرس يغني
مكنش صوت
ولو مكنش حابب محمد
مكنش رسمها بعنكبوت
الخلاصه فيه حساب
وعشان يكون لازم تتوه
وترجع تدور في الكتاب
ساعتها هتقابل رحمته
وبركعة يتفتحلك الف باب
متلومش نفسك علي الغلط
المهم ترضي بالمقسوم
اوعاك تفكر في السؤال
او تجرب عد النجوم
ماانت في الآخر مقدر
وهو في الآخر اله
حي ..تواب
منزل كل حاجه في الكتاب
ياابن ادم انا التواب
وانا الحنون جوه العقاب
وانا اللي سطحت البحور
وانا اللي امرتها بقدرتي
تبقي سحاب
وانا اللي خليتك قوي
وانت ضعيف 
وانا اللي علمت الحياه
انك مهما عشت ضيف
وعشان اخرتك موت 
لازم تعيش
انت مخلوق عشان تعيش
انا اللي خلقتك من تراب
من مفيش
وانا اللي علمتك حياه
وأنك تعيش الحياه
فيها ابيض وفيها اسود
وفيها ذنب وفيها توبه
فيها طفل بيتولد
وفيها شيبة
فيها صالح ..ايوه فيها
بس متنساش برضو
فيها عيبة
بس متنساش بعد غلطك
انك تتوب
انافاتحلك الف باب
عشان تتوب
بس أرضي بما يصيبك
كله في الكتاب مكتوب