عقدتها ليه .. متفكها
ربك كريم .. هيحلها
متشيلش الهم يا ولد العم 
دا فساعه واحده كلو يتلم
شوف اللى جاى هيكون ازاى
هتقول للآى يللا باى باى
متفكرشى .. ومتزعلشى
ودع همك خليه يمشى
لو كان فلوس بالجزمه ودوس
وبوس يدك ع الصحه بوس
وان كان وجع خليك جدع 
الدنيا ياما فيها البدع
وانسى وجعك واما يراجعك 
قولو إمشى أنا مش تبعك
قوم على مهلك وطاوع أهلك 
إياك يأسك ياخدك تهلك 
بكرا هتعيش وتاكل قراقيش
كل همومك هتروح متجيش
قوم سدقنى يللا الحقنى
هتشوف الخير وحياة دقنى
هيزول همك ويروق دمك 
قوم بس ياشيخ داعيالك امك
دى حياتك حلوه وحبها
خدها كلها على بعضها 
عقدتها ليه .. متفكها 
ربك كريم .. هيحلها