كتبت فيك 
ياضمير 
ضحكوا عليا السفاله 
قالوا دا حد سفيه 
وبيئة وابن حارة ..
واجع دمغنا كتير 
قلمه راضع زباله 
لا راضي يعمل ضرير
ولا راضي 
يمشي ف جنازة 
كلام من دا كتير 
لازعلت ولا ف النفس حاجة 
المشهد واضح صريح 
يغني عن أي أجابة 
سواق قطر ضنين 
خله صباحنا حكاية ..
جثث شمال ويمين 
ضريبة دفعها الغلابة 
أستهتار ملوش مثيل 
خله القلوب بكيانة 
سواق قليل الدين 
عليه أستفهام ؟
وعلامة !!!!!
شوفوا بقا التهريج 
وصل مداه وزيادة ..
من واحد أصله عقيم 
كأنه عايشها ف غابة ..
فوضى وقله ضمير 
وراتب من دم الغلابة ..
ياساكت على المسكوت 
هات من الآخر وتعالى 
ما بقا فيها سوكات 
ولا بقت الطبطبة فعاله ...
لازم أيد من حديد 
لنعيد الأمور والحالة 
لوضعها الصحيح 
زي زمان ياسادة 
الحق ميزانة كفيل 
يرضع قلوب عميانة 
كفاتة لا فيها ميل 
ولا فيها النوبه كفارة