قطر انفجر 
وقلب انفطر
وحرق ودمار
لكل البشر
إهمال ودايم 
وكمان يزيد
والكل نايم 
وقلوب حديد 
ليه يا بلدي كل دا
تأسي علينا بالشكل دا
دنا لو غريب فيكي وعايش
مش هضيع ابدا كدا
انا اللي شايلك فوق كتافي
ليه ماشوفش غير اهانه
دنتي ترابك ليا شافي
ليه تخوني في الامانه 
ليه علامي فيكي دايما 
ان لكل حاجة واسطه 
والصنايعي والمهندس 
الاتنين بقا لقبوا ياسطه
ومعاك جنيه تسوي جنيه
مامعكش حاجه تبقي في ورطه
ليه ابيع انا هدمتي 
علشان اجيب تمن العلاج 
ليه تحسبيلي خطوتي 
خايفة اكون م الاوعجاج
مع اني عايش دنيتي 
في اربع حيطان من الزجاج
ليه يابلدي لما اموت 
وقتها تقولي شهيد
طب ادخلي جوه البيوت
هتلاقي عيشتي كالعبيد
وأسألة كتيره في دماغي
ليه وليه مفيش جديد
ليه وليه مفيش جديد 
ومتزعليش مني يابلدي 
لو كلامي ليكي قاسي
اصل دمي فيكي ميه
وكمان خلاص راحت حواسي