كﻻمك كله علي راسي 
عشقتك وانت ليه قاسي 
بقولك كلمه من قلبي 
مفيش غيرك رفع راسي 
بحبك نفسي تتهنا
يا نسمة وورده م الجنة 
واحفر اسمك الغالي
وافرشلك الطريق حنه 
يا عود اخضر بيتمايل 
وريحتك مسك موصوفلي 
بحبك وافضل اتحايل 
عشان تجيني وتشوفني 
وانا غارق في احﻻمي 
يا نغمة في كل انغامي 
يا عشق الروح يا كاويني 
معاكي بتحلي ايامي
ولا اعرف ايه جري ليه
كتبتلك بحنيه 
بشوق عطشان للميه 
بحب الطير للغيه 
مفيش غيرك علي بالي 
ياساكنه القلب وخيالي 
بغنيلك مسا وصباح 
ماخلاص بقيتي موالي