لسا جماعه فينا مصرين 
بيراهنوا علينا يا مصريين
يقوموا يقعدوا بيكوا يعددوا
نستنى يحسوا مش حاسين
الشعب أمر ودا كان أمرو
قال ان الناس دى بيتآمرو
متعبروهمش .. متسمعوهمش 
مهما يعملوا مش هيمروا
حبه يسربوا ليكوا محادثه 
حبه يقولوا يارب حادثه 
حبه يشككوا حبه يفبركوا
حبه يقولولنا اعملوا هوسه
يومين يقولوا يللا اصطفاف
يومين يتناطحوا ولا الخراف
يومين بيعضوا يومين ينفضوا
يومين مايبقى لهم أوصاف
ساعات يقوموا يسخنوا
وساعات يسبوا ويلعنوا
حددوا مواعيد ولا فيها جديد
تلاتين معاد وبيعلنوا
إسمع ياهبل انتا وياه 
الشعب ما حد بيمشى وراه 
وعمرو ميقول كلمة آه
لو خدمت عالم مكروهين
لسا جماعه فينا مصرين
بيراهنوا علينا يا مصريين