نفسي مره تسأل عليا زي ماكنت بسأل عليك ونفسي برضة تاخد بأيدي زى ما أيدي خدت أديك ليه بتنكر كل حاجة وليه ناسيني وحيات عنيك كنت فاكرك حته مني يال قلبي حسه بيك خلاص نسيت أسمي وشكلي وماشي ضدي بعرض الطريق ياسلام على جحودك ال رعرع جوه فيك صحيح يادنيا الكل نار ونار حامية لها شهيق آه ياوجعي منك يادنيا المستقيم عايش غريق لا حب نافع ولا صدق نافع طب أزاي نمشي فيك يادنيا وجعتي قلبي مني كل يوم بخسر صديق يبدأ معايا رحلة حلوة وفى النهاية يطلع حويط زي البحر ملوش قرار العمق فيه أصله غويط آه يادنيا خدتي مني الراجل الصح ال كان شريك قولتي عليه دا زي عدمه وحد تافه عايش عبيط ..
