علشانك يامصر 
حاربت علشانك كام مره
وشربت المُر 100 مره 
وعلشانك 
نشربه كمان مره
علشانك تفضلى حُره
ياما شربت من نيلك 
وطول عمرى بغنيلك 
ولحم كتافى من خيرك 
عظيمه ياست خلانك 
عيون الغدر بصالك 
عاوزين يهدوا أوصالك 
يموت كُل ولدانك 
لو حد مس أركانك 
حاربت علشانك كام مره 
ولو عادوا 
هنعيد تانى الكرهْ
وحدك ما تلمسوا ضٌرهْ
وذكرك الرب كام مره 
وأنت على الجبين غُرهْ
حاربت علشانك كام مره 
علشانك تفضلى حُرهْ
عظيمه إنت يابلادى
على البردى سيره أجدادى 
طيف بيسرى فى الوادى 
مناره لكل أولادى 
ويدرسوها كل أحفادى 
حاربت علشانك كام مره 
وشربت المُر 100 مره
وعلشانك 
نشربه كمان مره