جبان باع عمره وخان اهله والوطن علشان الفلوس
وبطل ضحي بعمره وولده علشان الوطن وبالجنه يفوز
ايدي في إيد اخويا البطل وم الخيانه هنطهرك يآ بلادي
وبروحي ودمي أفدي أرضي وعرضي وولادي
جوانا إراده وإيمان تهزم الخونه وكل الأعادي
وع الجبهه قدام العدو اسد جسور بسلاحي بحارب
ادعيلي ياامي لو حاضر معاكم ولو كنت غايب
مش هنسمح لكاره وحاقد يهزمك يامصر ويأذي ولادك
ومهما ضحينا ياأم العروبه هنحقق كل احلامك
ولو ضحيت بروحي امانه عليكي ياأمي إوعي تبكي
يعيش الوطن وابني وابن عمي افديه بدمي وما يوم يشكي
ازاي ياخاين هان عليك تبيع نفسك وتخون الوطن
وتعيش ذليل جبان وتموت گافر وتجيب لأهلك العار والمحن
مات الضمير والإنسانيه لما بقيت ياخاين للعدو خدام وصنم
واحنا هنفضل وراك وهندوسك بالنعال ونوفي للعهد والقسم
يابلآدي روحنا فداكي ولآزم نوصل رايتك لأعلي القمم
مهما حاولوا الخونه يأخروا فيكي ولا يهمك دول شوية رِّمَمّْ
وراكم في كل مكان ياأعداء الله ولو عدينا كل الوديان والبحور
ومهما كنتوا مستخبين زي الفيران والصراصير جوه الجحور
ومهما غدر وخان العدوا الجبان لازم يجيلوا يوم
هنتحمل علشانك يامصر مهما عانينا وخاصم عنينا النوم
نموت وتعيشي يابلآدي في عزه وكرامه وماتشوفي ندامه ولوم
وما يدنس شبر واحد من أرضك غدار وخاين يابلادي
وبكره خيرك يزيد غصب عن كل الأعادي
ومهما خان الندل والجبان وطعن بطل في ضهره وهرب
هيطلع مليون بطل بأرواحهم يحموكي ويفدوكي ياام العرب
بتصوب رصاصك علي اهلك وناسك ياخاين ومطمرش فيك
وتجيب العار لأهلك والعمر كله يدعوا عليك
العين هتفضل صاحيه وزي الشرر 
والدم هيكون بركان وحمم
وهتتقدم بلادنا للأمام غصب عنكم ياللي بايعين الضمير والزمم