اوقات كتير بيبقي الفراق 
احسن دوا لوجع القلوب 
لما يكون الحب داء 
ومتقفلة كل الدروب 
ولما يكون حبك بعيد
ونفسك يكون دايما سعيد
وفي القرب منه هتتعبه
يبقي تكون احسن وحيد 
ومش غلطه مني ولا حتي منه
ودا غصب عني وغصب عنه 
ما الحب اصله مش اختيار
الحب احساس .. في القلب سكنه 
والبعد يبقي حبه حبه 
خايف عليه لتجرحه
ولو شوفته تجري تستخبي 
عشان تصونه وتريحه 
ويرجع لعيشته ولحياته 
مع انهم سبب اهاته 
بس اهون من وجع ما هيبقي ليك
مع ان حبك امتلك روحه وذاته
بس النصيب مكتوب علينا 
عمره ما كان مره بادينا
وكل ذنبنا اننا 
دوبنا .. وعشقنا .. وحبينا 
رغم اننا متأكدين 
ان الفراق مكتوب علينا