جارى التحميل
استخدم زر ESC أو رجوع للعودة
يانا منك يا دماغى يانا
ليه صاحيه والناس نعسانا
بالك مشغول دايما على طول
صح اللى بقول وللا انا مسطول
من نص الليل بتشدى الحيل
تجرى فطريق مشوارو طويل
خاب اللى ضاع عمرو فصراع
وبيشكى وجع وألم وصداع
أحلى الأيام .. لو فيها تنام
منغير أعداء وصراع وصدام
فكر فى الغير دايما بالخير
روحك هتهفهف زى الطير
وتسامح الطامح والجامح
أو شكلو ماباينلو ملامح
لو دايقك زيد أو حتى عبيد
قل يفعل ربك ما يريد
هات من أنهارك فى نهارك
واسقى أهلك منها وجارك
إصنع سيره منغير حيره
بين أهل الحى والجيره
خلى القسمه تجيب البسمه
هتعيش عمرك زى النسمه
روحك فرحانه وهيمانا
يانا منك يا دماغى يانا
ليه صاحيه والناس نعسانا