يآريتني مآ شوفته ولآ يوم عرفته
ولآ حسيت بيه وبحبه يوم عيشته
ولآ إنكتب عليا أكون يوم بقربه
مآ كان زآر الحب قلبي ودوقت عذآبه
ولآ گان فرشلي الأرض حُب والدنيا جنه
ولآ حِلمت وانا لسه طفله بليلة الحنه
.............................................
عآهدني علي الوفا وصدقت كلآمه
ووعدني سنين بحبه ووده ووصاله
وهعيش في فرح وهنا علي طول في داره
وعاهدته أنا أكون دايماً مخلصاله
وأسقيه الحنان والحب كله 
لآ يوم يزعل مني ولآ يزعلني منه
ولآ يغدر بيآ ولآ يشوف يوم خدآع
ويآ ألف خُساره هو اللي خآن وبآع 
وحِلم الطفوله والبراءه مني ضآع
..........................................
وإتغير حالي من حال لحال
وضاعت سنين عيشتها مشغولة البال
والحب مبقاش خلآص حلم جميل
طلع كدبه كبيره ملهاش مثيل
لما ودآني لطريق الحب ورمآني فيه 
وصورهولي نعيم وصبحت أبكيه
حبيته وضيعني وضاع مني حبي 
وعن أهلي من خوفي كنت أخبي
حُب عاش سنين دراستي جوه قلبي
...........................................
ولما كبر حِلمي لقيته في لحظه رآح
ورآح الوصال وِصَبَحْ قلبي مليان جرآح
كدآب وغدآر سرق مني الأمآني والأحلآم
وحِلم الصِّبا اللي كآن بريء.طِلع كُله أوهآم
ونَجَحّْتْ في دراستي رغم كل إنشغآلي
وأملي فيه صبرني طول سنين إنتظآري
..........................................
ولما زآدت خُطَّابي لقيته إتخلَّي عني
وخآب فِ حيآته وخيب أملي وجرحني
وطلع الحب كدبه كبيره لما هرب مني
ولما كبرنا هرب يقابل حتي أهلي
ورغم خُطَّابي الكتيره كنت مستنياه يتقدملِّي 
رفض وهو نآسي لما حفي زمآن علشآن يوصلِّي
يآرتني صدقت وِفّْهِمتْ اللي قالوه الکِبار
حُب المدآرس كلآم فآضي ولعب عِيال صِغار
..........................................
نزوه ملهاش أساس حب وجاي قبل الأوآن
كُنت فكرآهم بيخوفوني وگان قصدهم حب من غير أمان
وعرفت دى الوقتي خيبتي وخيبة عمري 
لما اتخلي عني وانكشف لأهلي أمري
اتعلقت بيه سنين وهو بيآ بيتسلّْي
لو حبني بصحيح ماگان أبداً عني يتخلّْي
لكنه خآب وعلشآني عمره مآ حاول وعآفر
وعامل نفسه ندمآن علشان خدعني ومش قآدر 
..........................................
وأعمل إيه قولولي وهو أول حب حسيته
وگان إيه ذنبي وذنب الوفآ اللي وفيته
خآن اللي كان بينا من وعود وعهود 
وإيه يفيد الندم وإزاي قلبي هيرجعلي ويعود
ومنين أجيب صبر يصبرني واقدر انسآه
وانسي غدر سنين ماكُنتش صَحْ عرفآه
وعقلي گان فين مني لما غاب عني يوم مش هنساه
وحبيت قبل ماافهم يعني إيه حب ويعني إيه معناه
...........................................
واعمل ايه في قلبي اللي لسه متعلق بيه 
هفضل العمر كله جوايا الألم والعذاب بعانيه
ولاَّ أسيب جرحي للأيام يمكن تداويه
مش قادره انسي حبه وأحب حد تاني
ولما يجيني شاريني بشوف فيه وش الأناني
حطم قلبي واعمل ايه ياناس قولولي
وخُطَّابِي كِتير ومن كُترهم قالولي هَتّْبُوري
مين يحس بيا وبغلطه ضيعت مني الحنيه
ومنين اجيب حب جديد ينسيني الأسيه
ومين قلبه طيب وعقله ناضج يفهم إني كنت ضحيه
....................................... 
وازاي اتعلم م اللي حصلي وانسي سنين طفولتي وذكرياتي
ولاَّ قلبي هيفضل متعلق بيه وعايش علي ذكريات حطمت حياتي
ولإمته هفضل ندمانه علي رفضي لِخُطَّاب إشتروني 
والعمر بيجري مني وكل الناس حواليا بيلوموني
ورآح الحب مني وإسودت الدنيا فعيوني
وازاي أعيش مع غيره وقلبي مات وإنهار
الله يسامح اللي خلاَّ المدارس بنزين جنب نار
صبيان وبنات علي دكه واحده طول النهار
..........................................
واقول للبنات اتعلموا يابنات من حكايتي
حكاية بنت حبت قبل الأوآن وكانت نهايتي
البنت غير الولد لما تستسلم هي اللي خسرانه 
الولد يتسلي ويروح وتفضل البنت حيرانه
وتنتهي حياتها بتعاسه وتترهبن وهي ندمانه
واقول للولد إوعي يوم تخدع بنت وتنسي ربك 
خاف اللي عملته يحصل يوم لأختك او لبنتك
ومين السبب ع اللي احنا فيه ومين الغلطان 
طفل ساب مدرسته وساق توكتوك وابوه تعبان
ونعمل ايه في زمن.النت اللي بوظ كتير عقول
وولادنا عايشين تايهين وعليهم باب مقفول
وأب مطحون وعلشان رزقه والأسعار مشغول
..........................................
وأم مشغوله عن بنتها والنصيحه صبحت عدم
وبنت خبت عن امها وبعد المصيبه تعيش في ندم
ومعاني الأخلاق والقيم والشهامه ناسينها بالمناهج
وصبحت ولادنا زى الموج اللي في البحر هايج
وراحت راحة البال لما جرينا ورا دنيا مليانه مباهج