قول انتا ياسالم لو عالم
فى الدنيا مجاهل ومعالم
رغبات شهوات أموال ستات
وبيوت عمارات صبيان وبنات
فينا وبنقول لأ مش فينا 
مع إن معانا مكفينا
ومفيش مانع فينا القانع
وفينا الغاوى قفذ موانع
صاحب الأحلام صاحى مابينام
يجرى وتجرى معاه الأيام 
والمستكفى وقليل يكفى
بنقول قاعد كدا ليه مكفى
لو يسعى فى الدنيا الواسعه
بنقول مسروع ودماغو لاسعه
لو هادى وساكن ف مساكن 
بنقول خامل عقلو راكن
مين فينا الصح واحد بيدح 
والتانى يكفيه حبه وبح 
مين المظلوم ومين الظالم
قول انتا ياسالم لو عالم
فى الدنيا مجاهل ومعالم