سمعنى الضحكه سمعنى
إياك للحزن ترجعنى
لو أى كلام راح يوجعنى
مش هدفع فيه ولا مليم
مشغول البال ليه بتفكر 
الدنيا جميله زى السكر
متخليش دمك يتعكر 
سيبها على الله قول ياكريم
ليه على أعصابى بتتكه
أيوه فى أزمه وفى عكه
بتبات معقوده تصبح فاكه
وفى السما رب بحالنا عليم
جرب تضحك مهما يكون 
حتى لو قالوا عليك مجنون 
دا أسعد واحد فى الكون
إللى عايش وضميرو سليم
ليه مدايق وعامل غاره
يا صاحبى الأرض دواره
دا ممكن تفرح فى الحاره
ويبكى اللى فى القصر مقيم
إكتم وجعك ومتزعلشى
والآه خبيها ومتقولشى
سيبها على الله ومتسألشى
تفرج منغير سين ولا جيم
سمعنى الضحكه سمعنى 
إياك للحزن ترجعنى 
لو أى كلام راح يوجعنى 
مش هدفع فيه ولا مليم