الحياه فيلم
ناس دور البطوله 
وناس كتير كومبارس
ولكل دور مختلف
ده دنجوان فارس
ودي سندريلا
وده شرير
نازل في الناس فرس
وده طيب غلبان
وده بخيل حويط 
وده اهبل عبيط
كل واحد وله دوره
السيناريو مكتوب
والمكان والزمان ب المللي
والكاميرا بتسجل ويتصور
كله بيخرج ويصور
والمنتج مافيش سقف للأجور
مش عايز تمثل يلا غور
في غيرك مليارات ممثلين
ودور العرض مكتظه
ارش كومبليه اتفضل يا بيه
في أول صف ع الشاشه
تشوف الفيلم أو عرض
هنا الأبطال
وهنا ا لكومبارس
مشهد يومي
نهار صباحي
او ليل خارجي
او ليل داخلي
في ملهي ليلي
مع مطرب شعبي
موسيقي صاخبه ورقاصه
بس افيش الفيلم مسروق
وعليه قصاقيص حياتنا ملزوق
حتي السيما من جوه ضلمه
زي حياتنا بنشوفها ب العافيه
وكله مفكر نفسه نجم
واخد لوحده دور البطوله
ولو اتمعنا شويه في الحقيقه
كلنا من الحياه واخد صابونه