ديمآ معاند وراكب عنادك
والقلب لسه صابر عليك
ما تقولي بس أيه مرادك
ويكون ف ثانية بين أيديك
ديمآ بشوفك فاتح له بابك
ما تقولي قصدك وحياة عينك
أنا اللى جيت لحد بابك
لأنول رضاك وسلم عليك
لكن عنادك فاقد صوابك
يال أنت ناسي أنا أبقا مين
خد براحك وعيش حياتك
الأرض واسعة ملهاش بابين
بعض ال فيها سلكوا طريقك
ماجنوا منها غير الأنين
ديمآ معاند وراكب عنادك
والحق حقي من سنين
كنت ديما أقول ومالو
أصله حبيبي قلبه رحيم
الدنيا بعده ماتبقا دنيا
ولا تسوى دمعة تزرفها عين
ليه يادنيا ديمآ معاكسة
وماشية ضدى طول السنين
فين حبيبي ال حته مني
أثبت ياعقلي روحت فين
بقا دا ياقلبي ال كان حبيبك
ولا أختلط خياله وشوفت لائيم
خلاص يادنيا سبتو هولك
أتهني به ....... حلال عليك