يا عم ماكرون كفايه مكرن
قتلت شعبك وقلنا شكرا 
وعجنت طحنت أيميل وبسنت
وقلنا برافو عليك أحسنت
ليه جاى تهون عمال تلون
حابسينو ليه أخينا المدون
وطحن جيل عندك قليل
نحبس عميل سيبوه دا جميل
قمصان وصفرا قلتلنا نافره
غريبه عنكم كمان وكافره
واللى يفجرنا تقول دا قمرنا 
دا بيكبرنا .. وبيعمرنا
حق الإنسان كلتوه بسنان
ع اللى بيقتلنا وجاى زعلان
شرطة فرنسا تعجن وتنسا
شرطتنا تقبض تهمسلى همسا
إسمع يا ماكرون البدله داكرون
خليك فحالك بطل تمكرن
قول لنابليون بقو ميت مليون
مهو كان عندنا دقنا بالهون
وكليبر ومينو كان إيه عايزينوا
مهو كانوا عندنا يعدموا ويهينوا
حسن يا جبرتى اعملنا بارتى
قول مين اللى دمر بلدك وحارتى
فكرو بكريّم دا كان رحيّم
إوصف إعدامه واشرح وقيّم
وقول ع الحلبى إرحم ياربى
دول أعدموه بخازوق يا قلبى
حقوق الإنسان عندكوا بلسان
بتعاملوا الشعب بكل حنان
يا عم ماكرون كفايه مكرن
قتلت شعبك وقلنا شكرا