أستاذ سكاكه أبو عقده 
دايما يظهر لنا ف القعده
مهما بنشرح مبيفهمشى
ومغمض عينو مبيشوفشى
مهما بنحكى وللا نقول 
الكاره كاره على طول
البيضه يقول عنها سوده 
موجوده يقول مش موجوده 
كاتب على قورته المتشائم
ولا أى كلام عندو ملائم
يشوف العمار وكأنو خراب
يمسك دهب ويقول دا تراب
الكل شايفها حاجه حلوه
ولوحدو يقول عنها بلوه
أنا شايف نور قدام عينى 
ويقول فين طيب ورينى
لو قابل فاخر ابو الساخر 
أنا ببعد عنهم واتاخر
لو جو جميل بيحسوه رعد 
ويغنوا ويردوا على بعض
يقابلهم عبدو المشمأنط
واقف ع الناصيه بيتنطط
زعلان من إيه كدا يا أخينا
عقلو صغير راسو تخينه
على طول بيسب بدون أسباب
حاضر بالجسم وعقلو غاب
دايما يا اخواتى متنرفز
يقابلنى بوجه متحفز
معرفش واخدها ليه بالزق 
يزعل لو قلتلو كلمة حق