حسي بيا وباللي فيا
مش هكون انا يوم ضحيه
هو انا لعبة في اديكي 
ولا شيفاني هافية 
ولا ناسية انه ليكي
بعت كل الدنيا 
ولا عشان عاشق عنيكي
تبقي عنيا مدارية
ليه تبيعي حبي ليكي 
ليه علي قلبي قاسية 
عمري كله هاديته ليكي
بس انتي مش صاينه الهديه
يبقي نبعد من سكات 
واعتبري ان الحب مات
اوقات كتير البعد بيكون 
احسن دوا لوجع الاهات 
انا بس جوايا سؤال 
نفسي يوم اعرفله رد
ليه قابلتي حبي ليكي
بكل قسوة وكل صد 
ليه فراشتيلي طريقك
في البداية كله ورد 
ولحد ما اوصل للنهاية
ماشوفش غير اشواك وسد
وازاي تحسي 
وانتي احساسك مريض 
لو كنتي حسيتي بحبي
مكنتش أنا ابعد بعيد 
لو كنتي حسيتي بحبي
كنت خليتك اميرة
وكنت انا اسعد سعيد
بس اللي شوفته منك انتي
خلاي قلبي كوم حديد
وبالسلامه
واعرفي ان اللي فات
ما راح يسيب ولا علامة
ولما اشوفك مرة تانية 
هتشوفي علي وشي ابتسامه
اصل الخسارة خسارتك انتي 
اما انا 
معرفش ايه هي الندامه