أنا يازماني صحيح بتسامح
وقلبي نضيف من التربية ....
لكن يازماني لما بعاند
بخسر روحي ولا هميه ....
أصل البعض قلبها مصالح
وخد مصلحته وقطع فيه .....
صنف غريب مالوش
ف الحب ولا ف الحنيه .......
كل الناس عارفين أطباعي
وعارفين كمان صفاء النيه ....
بس التايه عن أحبابي
إن المخ مفتح ديما
ومفتاحة معايا وف أيديه ...
وليه نظرة ف كل الناس
ال أتعملوا معايا دقيقة أو ثانية .....
أنا بعرفها وأحفظها ف سري
ولا كلام ولا ملاغية ..............
أنا يازماني قبلت كتير
بحكم وظيفتي .. الغالية عليه ...
وجبت حقوق من بق أسود
لصالح ناس أتعشموا فيه ........
لا عمري جبت لورا يازماني
ولا أتخضيت وعملت هافيه ...
الكل عارف أنا أبقى مين
الأيد نضيفة والبطن تمام ومتعشيه ...
أنا صحيح أبويا فلاح
ورباني على الصح والطبلية .....
بس كان كتير متواضع
رغم الحزم والشخصية .........
زرع جوايا حب الناس
وشد عليه ف التربية .......
وقال لي ف يوم لا تكون صرصار
وخلي كلامك بميزان الميه ......
ليه الغدر ياللى أنتوا أصحابي
وليه اللعب بثانية بثانية ......
وليه عندكم الأدب الجم
ضعف وخوف وهلم جرة ......
أسمع مني ياللى أنت ناسيني
وعامل من نفسك شب وصيه .....
أنا أمشير وقت ما بغضب
بقلبها عفار يطول الدنيا .......
وعندي الأخضر زي اليابس
الكل سواء نهاية حتمية .....
لازم أنهي الوضع تماما
وأصفي النفس ال شاخت فيه ....
أنا يازماني شايل أحمالي
بعيد عن الناس ال حواليه .....
لا بقحم نفسي ف بتاع غيري
ولا ليه فيه كدا بالمرة ........
طب ليه الناس ماتكونش ف حالها
وتعمل قفله بدون مرازية ..........
وكل واحد يبص لنفسه
ويعيش حياته الطبيعية .............
ولا البعض فاهمها شطارة
وفاكر الناس شاربين ملوخية ........؟
