اليوم ياأمى عدت سنه ووراها اتنين٠
وأنتى يا غالية ياامى غايبه عن العين٠
لكن مكانك زى ما هو جوه قلوبنا٠
غيبتى ياامى واخذتى معاكى ليه فرحتنا ٠
بعد غيابك مبقاش باقى لينا غير فرقتنا ٠
كنتى الدنيا وكل ما لينا بس غيابك اسر فينا٠
بادعى ياامى فى يوم ذكراكى٠
أنى أكون فى الجنة معاكى ٠
بادعى وبرفع ايدى لربك وبطلب منه يغفر زنبك
بادعى أنى أكون الأبن البار 
أللى بيدعى لأمه ليل ونهار 
زى ما كنتى ياامى زمان بترفعى إيدك للرحمن٠
لو حد من اخواتى تعبان تدعى المولى بالغفران ٠
تدعى وتدعى وتفضلى تدعى علشان ربنا يشفينا٠
كنتى ياامى نعمه وغاليه وكنتى هدية ربنا لينا ٠
بادعى ياامى فى يوم ذكراكى٠
أنى أكون فى الجنة معاكى ٠
كنا ورودك فى البستان كنا معاكى فى كل مكان٠
كنتى لينا كالبستانى مبقينا فى بعدك بنعانى٠
كنا بنشرب من نبع حنانك طيبة ومحبه واخلاق٠
كنتى بتزرعى دائما فينا نبعد عن اى زيف نفاق٠
وإن ايدينا دائما واحدة ولا يوم حد يفرقنا ٠
وكأنك حاسه ياامى أن فراقنا بقى يوجعنا ٠
انا باتوسل ليكى ياامى ترجعى من تانى وتدعلنه٠
اوحتى من عندك ادعى مانتى أكيد قاعدة فى الجنه 
بادعى من تانى ياامى فى يوم ذكراكى ٠
ربنا يتقبل واكون فى الجنه معاكى ٠